السلام عليكم ..
طبعاً بعد ما كثرت التعليقات .. و كثر الكلام في الشات بوكس
أحب أقولكم إنكم " مصختوها "
الأخ محمد مسافر .. مطلوب إنو يقطع سفرته و يقعد يترجم لكم ؟؟
و أنا موظفة .. مطلوب أترك شغلي و أقعد قدام الكمبيوتر 24 ساعة عشان أترجم ؟
عطر إمرأة شبه مُنتهي .. و سبب تأخر الترجمة هو تأخر الفريق الإنجليزي
يعني لازم تراعوا انه في عوامل ثانية للتأخير ..
الجاسوسة برضوا شبه مُنتهية ..
ايش مشكلتكم ؟؟ سجينة الحُب ؟؟ تايلندي أنا مستحيل أترجم ..
الحلقة تقولوا فيلم هندي ..
محمد يترحمها براحته و انشالله ينزلها بعد سنة ما حد له علاقة
الأمير الضدفدع ولا الصرصور ولا الفار .. هذا مشروع ثانوي
يعني بالعربي محمد يتسلا فيه .. اذا كان جاي على باله يترجمه
يترجمه ما يبغى هو حر ..
Lovers أنا كنت ناوية أترجمه مثل ما ترجمت ماني ..
بس لما شفت توقيت الترجمة غير مُتوافق مع الفيديو هونت
لأني بصراحة ما عندي استعداد مأسآة ماني تتكرر مع لوفرز
اذا حابين أترجمه من عيوني لكن أحد يعيد توقيت كامل الحلقات
و لكم مني خلال أقل من شهر ال 15 حلقة الباقية تكون نازلة ترجمتها
لكن أنا أقعد أدور موقتين .. و أنتظر .. وأنقهر آسفه ..
يكفي رمضان ضاع وقت العبادة عليّ في الترجمة عشان
طفشت من كثر ما تحننون و تزنوون متى تنزل ومتى تنزل
ودراما المُحارب ما حبيتها .. وأنا الشي اللي ما أحبه ما أترجمه
لأني أحب اتفاعل مع أحداث الدراما .. يكفي إن الدراما اللي نترجمها
تنحرق احداثها و لاعاد يصير لها طعم ..
والآنسة ريم اللي قاعدة تتفلسف و تقول اتركوا الترجمة للفرق
اللي شغلها صح ..
حبيبتي ما حد ضربك و قالك شوفي الدراما عندنا
مو عاجبك بلاش ..
هذا النت متروس فرق ترجمة ,, روحي شوفي عندهم
اصلا فريق كب كيك ما يترجم الدرامات اللي نترجمها
ونفس الشي فريق دبل اس
بعدين احنا نترجم اللي نبغى ما نمنع حد يترجم
بعدين الآنسة اللي محسبة نفسها عاملة شي و مقنعة مُترجمه
انها تترجم سجينة الحُب .. اعتقد ذوقاً ما تنشري هذا الشي
في مدونتنا .. صح ولا .. ؟؟
ارحمونا الله يخيلكم ترحمونا .. ترى احنا اسرع من غيرنا ..
والله عندنا حياة ثانية .. و عندنا مشاغلنا ..
و عندنا مشاكلنا ... و عندنا و عندنا ...
** اخر شي .. اللي يعرف يوقت و عنده استعداد يوقتلي 15 حلقة
اللي هي حلقات لوفرز ,, ما عندي مشكلة أترجمها
يخبرني / تخبرني هنا
اللي عنده أو عندها استعداد للترجمة برضوا يخبرني / تخبرني هنا
عشان اتواصل معاها / معاه ..
ياريت يحط إيميله أو يراسلنا على إيميل الفريق
ياريت يحط إيميله أو يراسلنا على إيميل الفريق
اللي حابب / حابة تهاوش و تتكلم كلام يسم البدن
خليه عنده ما نبغاه ..
للأسف أحس أسلوبي بدأ يتغيير جداً في التعامل
وكله بسبب الضغط و القلق اللي مسوينه :@
و راح تشوفوا انو ولا حد راح يعرض يترجم او يوقت
لأن للأسف الأكثرية يحبوا ياخذوا ولا يعطوا
الأخت سجود
ردحذفيالبيه ياقلبي
افا عليكم
احنا مقدرين جهودكم
من يقول غير كذا غلطان
لاعدمناكم
وشكرا لوقتكم و جهدكم اللي تبذلوه لنا
~
يعطيكم الف عاافيييه
ردحذفوعني انا مقدرهـ جهودكم
وكل شئ تسوونه
بس مالكم الا تحتسبون الآجر
وتصبرون على هالنفسيات ,,
وي ريت تشيلون الشات بوكس اريح لكم والله
و ربي يسسسعدكم
ايه خليكم متأكدين
ردحذفاذا فيه ناس كذا
بالعكس الناس اللي تقدر جهودكم وتابعكم وتحبكم اكثر بكثير اضعاف مضاعفه
وانا اولهم
شكرا لجهودكم
و روحكم
~
اختي سجود
ردحذفلا تزعلين من كلام البعض في الشات
انا اعرف ان الترجمه يبي لها وقت وشغل مو سهل
ومقدرين لك هذا
حتى ماني نزلتيه في وقت قياسي
لكن المشكله في انكم ما تحدثون جدول (سير عمل الفريق)
هذا رح يكفيكم العالم اللي مصدعتكم بالاسئله
اذا شافوا ان الحلقات تترجم ارتاحوا نفسيا
وترا وجود الشات في الموقع يسبب مشاكل كثير
والله لو تحذفونه ترتاحون
وجهة نظر
لا احد يزعل مني
شكرا لك يا سجود,, ومحمد مقدرين ظروفه
ومتى ما خلصتوا ترجمات نزلوها براحتكم
ولا تزعلوا من كلام البعض
فايتنق
حبيبتي مو سالفة تحديث جدول اعمال او غيره ..
ردحذفبس انتي لو تلاحظي من ننزل حلقة على طول في ردود الشكر تلاقي متى الحلقة الجاية ؟؟
قسم بالله هبلوا فيني أيام Lie to me
يسألوا عن ترجمة الحلقة قبل ما تنزل الحلقة في كوريا !!!
أنا انشالله راح أكلم الأخت المسؤولة عن المدونة و أخيلها تحدث الجدول ..
و أشوف اذا راح يتغيير الوضع ولا يستمر
يعطيك العافيه قلبي .. ومن جد شي قسم بالله يقهر
ردحذفانتي ما عليك من اللي مايفهمون ومابغى اكتب كلمة ثانية احتراما للمدونه
وحسبي الله على من ظلم وبس ^___^
السلام عليكم أختي سجود
ردحذفكلامك صراحه كان شوي قاسي المفروض نحترم بعضنا
وان كان كلام الأشخاص بالشات بوكس مزعلكم
ليش ما تشيلوه أفضل لكم وكمان صعبه إننا نتابع
مسلسل علشان تكلم حلقاتوا لازم ننسى إيش سار بالحلقة
السابقه وبدل ما قررتوا إنكم تترجموا ترجموا ولكن إلتزموا لأننا زيكم بعد لينا أشغالنا زي مالكم أشغال وإنتم والله لو ما كان ليكم متابعين ما كان ترجمتو بالأصل فالأفضل إنك تتكلمي بإحترام أكثر
وشكرا لجهودكم المحترمه
انا مترجمه وصراحه ماقلتي شي غلط اختي
ردحذفالمترجمين من جد مو ملزومين بهالترجمه ليه نتعب نفسنا
والمشكله مهما طولنا صعب الناس تراعي
خذوا وقتكم بترجمتكم ولاعليكم من احد
او تتوقفون عن الترجمة احسن لكم
ردحذفبدال عالموضوع التافه
مشكورين لمجهودكم ماقصرتو
ردحذفومو كل الناس تقدر وتتفهم في ناس مع احترامي يعانون مشكله في الفهم
بس عندي اقتراح شيلو التعليقات خلو المدونه مشاهده بس
وفكو عمركم من عوار الراس
وترجمتكم حتنقل بلمنتديات باسمكم وهناك الي يبي يعلق على كيفه
يعني مجهودكم انشالله مايضيع
ولاحضت انتو معطين الناس وجه
الي يحن يحن لحد ما ينفجر
ولي يسب يطق راسه بلجدار
والي يمدح الله يطول بعمره يارب
وكذا خلوكم على راحتكم متى ما بغيتو تترجمو ترجمو
زي ماقلتي انتي منتي فاضيه
والاخ محمد الله يرجعه بسلامه مسافر
مافي الاحل واحد شيلي التعليقات وصديقيني انتو مشهورين كفايه بس خلو استكر زي بعظ المترجمين باسم دراما وندر لاند خلو الناس تنشر ترجمتكم بلمنتديات
والي فيه شي يطلعه برا
هذا الي كنت ابي اقوله واسفه اذاغلطت ونا مدري بس مجرد وجهة نظر لا اكثر
محبتكم للابد والى الامام وندر لاند فايتيق ^^
تحيات نون
يعطيكم العافيه وما قصرتوا
ردحذفأنا برضو من ضمن الناس اللي جربت الترجمه وتعبها
ومقدره جهودكم لأبعد الحدود وما ألومكم صراحه إذا تنرفزتوا من كلام الناس اللي ماتقدر
لأنهم بصراحه هم أحد أسبابي لاعتزال الترجمه
وأأيد اللي قالوا ان الأفضل تشيلوا الشات لأن ماله أي فائده
أي شخص عنده مشكله / إعتراض ممكن يكتبه في الموضوع نفسه بحيث إذا قلل أدبه في الرد ممكن تحذفوه .. وانتهينا!!
شاكره لجهودكم وفي انتظار باقي أعمالكم ,,
انا من زمان اتبعكم
ردحذفودراماتكم مميزة
ومقدرين جهودكم وتعبكم معنا
ونزلوا الحلقات متى ماتقدروا مااحد يقدر يلومكم
بس لا تحرمونا من ترجماتك بسبب بعض التعليقات المزعجة
ترى في كثير منا مقدركم
شكرا على مجهودكم الطيب في ترجمة الدراما
ردحذفهناك الناس هما تصيد على فرق النجاح ، اتنمى ما تلفتول لهم
بنسب لي مسألة تأخير الدراما خذو راحتكم ، متى رغبتم في أكمال أعمالكم بعد شهر أو سنة
مترجمين عندهم حياتهم الخاصة وليس ملزمين في ترجمة الحلقات لتلبية أهواء الناس
فقط قيام ترجمة شيء يستحق شكر عليه
حيث كل يعلم أن ترجمة حلقة واحدة تأخذ ساعات طويلة
فما بالك بدراما كاملة
اتمنى من متابعين الفريق مراعاة فريق العمل ، وتكون طلبات معقوله يقبلعا العقل
بتوفيق لفريق العمل ^_^
اختي سجود الكل ملاحظ هالشي ويفضل انكم تشيلوا التعليقات وصدوق المحادثة هذه افضل طريقة بتخليكم باحسن حال لا عواراس ولا تفكير ولا تشويش ولا تضييع ولا تخنيق راح ترتاحوا من التسؤلات ومتى ومتى ومتى وهذا ليش حطوا هذا حذفوا هذا وترجموا هذا ولاترجموا هذا واللي حاب يستفسر عن شي خليهم يتراسلوا ع الايميل واذا حابين تردوا ردوا وفيه خاصة حذف الرسائل احذوا اللي مو عاجبكم وردوا ع الاشياء المهمة وهذا كله على كيف كيفكم
ردحذفومشوا الناس على كيفكم مو على كيفهم
صدقوني ما بتلقوا احلى من هالاقتراح
تحياتي
برأيي أنكم تشيلون خاصية التعليقات و التشات بوكس و تحطون زر شكر بالبوستات حقت المدونة ، .. و إذا عالروابط الخربانة ضيفوا قسم حق الإبلاغ عن الروابط التي لا تعمل ..
ردحذفمنها تريحون نفسكم و منها تفتحون مجال للناس يشكرونكم ..
ما يحتاج يعلق إلا الناس اللي زي كذا ، أما اللي حابين يشكرونكم و يشجعونكم .. زر شكر يكفيهم
بالنسبة لحلقات Lovers ، ايش مشكلتها معك؟ التوقيت متقدم .. متأخر؟
فيه موقع دايم استخدمه لتعديل التوقيت في الترجمة
http://subshifter.bitsnbites.eu/
أتمنى أنه يفيدكم
اهلا أختي سجوود
ردحذفأنا مقدر تعبكم وعادي عندي الإنتظار
...
بالنسبه للمساعده أنا عندي وقت فراغ لا بأس به لكن المشكله ما أعرف عن أشياء توقيت الترجمه وغيرها ولا من عيوني راح أساعدكم بس في غير الترجمه لأن لغتي مو مره
...
على العموم هذا إيميلي راسليني عن طريق البريد إذا تقدرين تعلميني كيف توقيت الترجمه وممكن إني أساعدكم
Ms.Nano14@gmail.com
تحياتي:
Nano^^ This My live
اسمحيلي أختي برد على كلامك مادري تهزيئك لنا ولو تبين تحذفين هالكومنت احذفيه المهم اقريه واستوعبيه لأنه موجه لك وبس
ردحذفقبل كل شي انتم اللي حطيتوا نفسكم في وضع يخلي العالم تسأل متى ومتى !
روحوا شوفوا مدونة كب كيك وبيول فانسب وغيرهم عندهم نفس خاصية الشات بوكس اللي هنا !
لكن التعليقات غييييييير تلقين الأغلب يشكر فيهم ونادر مانشوف أحد يطالب بنزول الحلقات بسرعه !
ماقد سألتي نفسك ليييش !
ببساطه لأنهم مايمسكون ترجمة دراما إلا وهم قدها اضافه انهم يقدرون المشاهد لهم ويحترمونه ويحدثون جدول الأعمال عشان الكل يكون بالصوره ولانضطر نسأل عن موعد نزول الحلقات
بعدين تسمون نفسكم فريق !
واحد عاجبته دراما يترجمها والثانيين ساحبين عليه لأن الدراما مو جايزتلهم المفروض تتفقون على عمل أو عملين وتركزون عليها
ولا اتركوها لغييركم أحسن لأن في فرق كثير تهون تترجم يوم تشوف غيرها ماسك العمل مو عشانكم تحتكرونها لا بس هذي قناعه فيهم مانقدر نغيرها وأكبر دليل دراما المحارب كب كيك مترددين بسبتكم وفوق هذا تقولين الأخ محمد هو الوحيد اللي يشتغل فيها عشان حضرتك مو عاجبتك !
بعدين تضحكين علينا ولا علينا قال ايش قال التأخير من الفريق الانجليزي في دراما عطر امرأه ! العالم شافها بالترجمه الانجلش كاااامله وخلص عرضها بكوريا وشبعوا منها وهذا اللينك مو عشان استعجلكم لا بس أبيك تشوفين وماتحطين أعذار وهميه من عندك
http://www.darksmurfsub.com/forum/index.php?/topic/2328-scent-of-a-woman-2011/
ع فكره الله يشهد علي ان عمري ماكتبت أو استعجلت الحلقات بالشات وكل تعليقاتي كانت شكر لكم وبس
لكن بـ أسسلوبك هذا حسستينا اننا طرارين عندكم نشحذ الترجمه شحده روحي شوفي وظيفتك واتركي الترجمه لغيرك وبلااش الألفاظ والأسلوب السوقي اللي مستخدمته هنا !
ع قد ماطالبوا بالسرعه عمره الأخ محمد مااتكلم بنفس أسلوبك هذا
dramawonderland بالبلاك لست وماعليكم حسافه
ترجمتكم ما في مثلها
ردحذفوالوقت خذوا راحتكم
وما عليكم بكلام رخيص . .
الكلاب تنبح بس القافيه تسير
فايتنغ
الأخت سجود كل كلامك ع عيني وراسي بس المفروض تحترمينا شوي كلامك جدددددا قااااااااسي
ردحذفانا احب اقترح عليكم اقتراح اذا تتعبكم التعليقات قفلوا الشات و التعليقات وارتاحوا وريحوا بالكم ما احد يقدر يكتب لكم .. و شكرا
ردحذفيانهار إسود ومنيل كل هالكلااااااام والحرقه عشان بعض النفسيات تطالبكم بالحلقات !!!!!!!!!
ردحذفابسط طريقه التطنيش من غير تجريح وعدم احترام لنا عنجد حسيت اني عايشه على ترجمة فريقكم وراح أموت من غيركم !!!!!!!! عجبي !!!!!!!!
اختي كان كلامك جارح وقاسي شوي
ردحذفلاتنسين زي مافي ناس كثيييييير تدعمكم صار في ناس العكس تعرفين البشر كلهم مب واحد ي الصالح وفي الطالح حرام تتجاهلين جميع اللي دعموكم من البدايه حتى مع التاخيرومن ضمنهم كان انا وتروحين تنزلين لمستوى ناس الله يهديهم ويصلحهم وبرضو في ناس عندهم وجهة نظر منطقيه لكنهم ماوفقو باسلوبهم فليش تنزلين نفسك لهالشي
يعني اذاتبين رايي فعلا المشكله انا مش بالصوره ونشوف في تتغيب كثير وماندري وش السالفه ونقلق عالاخ محمد لانهم اكثر من مره قالو انه مريض وطلع مافي شي
الله يسعدك خيتو سجود ويسامحك فعلاصار في كثير مترجمين صرت احس بالذنب كل ماحملت ملف الترجمه وبالخوف من كتابة اي تعليق او نقد حتى لو كان بسيط مع كامل احترامي لك اختي انا فعلا عورني قلبي اني تابعت مسلسل ماني بعد ماشفت كلامك فعلا حسيت وكاني كنت اترجاك حتى اشوفها
وبالاخير اتمنى ماتزعلين من كلامي انا ماقصدي شي
بس شي بخاطري وقلت لك عنه والله يعلم عن نيتي كانت حسنه مو سيئه وانا ماتمنالك الا التوفيق والسعاده
طيب اخت سجود اعطيني مواضيع فيها شرح التوقيت
ردحذفبشكل مبسط والله لا اسوي الملفات لانو كلها عندي
محملتها بس ما اعرف اوقت او اش برامج التوقيت
فتكفين ياعسل ساعديني بهالنقطه ودليني على مواضيع
بسيطه وتفهم كويس
وكلها يومين والملفات كلها زابطه
منتظره ردك
وكمان هذولا اللي يتكلمو
سوي معهم مثل المثل اللي يقول الكلاب تعوي
والقافله تسير
صح في تأخير من عندكم بس هذا مايعطيهم حق يتكلمو
لانك ماتشتغلي عندهم
واللي مو قادر يتحمل التأخير يطق راسه بالجدار
وعطر امرأة انا دورت ملفات الترجمة الانجليزي
ولقيتهم موصلين للحلقه الثامنة أشهر فريق انجليزي
امم ما اذكر اسمه بس اللي يترجم اسمه
هنري
وووشكر
الاخت اللي تقول فيه ملفات ترجمة لعطر امرأه
ردحذفوكامله وبكل ثقة حاطه الرابط
انا لقيت هالرابط قبل بس مايحمل لما احط تحميل
اذا قد حملتيها ممكن تقولي الطريقة
الله يعيينكم ويعطيكم العافية
ردحذفاتمنى تحذفون الشات بوكس و التعليقات افضل لكم
اختي استعيني بالله عندما تكثر الضغوط
ربي يسرك امرك
اختك aon
وش دعوى ليه هالاسلوب هذا وبأخر شي تقولين تغير اسلوبي بسبب الضغط
ردحذفياعزيزتي اذا الضغط مسبب لكم مشكلة مثل ماقال غيري شيلو خاصيةالشات وانتهينا
شيلوا المسبب علشان مانوصل لمرحلة انه تتكلمين انتي او اي احد من المترجمين بالطريقة هذي
احنا عارفين كويس ان الترجمة الي تترجمونها هي مجهود منكم ومافيه مقابل بس لما توصل لمرحلة الضغط الي يخليك تتكلمين بهالطريقة بلاها ياعزيزتي اما تحلي سبب الضغط بأزالة الشات ولا تتركين الترجمة كلها احسن من تقليل احترام الاخرين
على فكره اقسم بالله العظيم عمري مانزلت تعليق فية قلة ادب ولا استعجال بالعكس كل تعليقاتي شكر للمجهود الي تسوونة ولتعبكم علشان كذا اعلانك هذا استفزني لانه موجة للكل للمحترم والي قل ادبة ولاني فعلا احب مدونتكم ومن دون مبالغة متابعة اغلب اعمالكم هالشي ضايقني انه يصدر منكم
عموما ارجع اقول ماحد يقدر يتحكم بالناس وكلامهم سواء كان سلبي ولا ايجابي فاذا الشات مسبب لكم ضغط ولا انتم قادرين تتعاملون مع تعليقات الناس الغوه وبس مو قضية هي
اذكروا الله خلاص كلنا مسلمين واخوان
ردحذفأفضل تحذفوا الشات بوكس والترجمه وموعد نزولها راجع لكم خصوصا ان الموضوع مو سهل
ردحذفموفقين ويعطيكم العافيه على الترجمه ولا تقرأي كلام بعض الناس اللي مايقدروا :)
يافرح اللينك اللي حاطته الأخت اللي قبلك تقدري تحملي منه ملف الترجمه الانجليزي عاااادي بس لازم تسجلي بالموقع قبل وبالفعل فريق الترجمه هذا جددا ممتاز تابعت لهم درامات قبل .. مصطلحاتهم واضحه وسهله يعني مادري شلون الأخت سجود تقول فريق الترجمه متأخر ؟؟
ردحذفبكتب لكم بالخط العريض للاخت الي تقول في مدونة كب كيك ودبل اس ماشي سب وماشي أستعجال .. من قال ... أنا أعرف كب كيك ودوم معسكره عندهم حتى دبل اس ..
ردحذفالاستعجال بالهبل وحتى السب القوي أيجيهم والله ... ومن تنزل حلقه يقولون ومتى الحلقه الجايه ...
والله الناس الي ماعندها ذوق كثيره وهم خلو مترجمين ومدونات ماسبوها وتمصخرو أستغفر الله ... وثاني شي لالاتكلمين وأنتي ماتعرفين شي ...
اختي سجود أنتي صادقه بكل كلمه قلتيها ...
وشي ثاني .. ترا الاخت سجود ما قلت أدبها او قالت شي غلط ... وما حطت على الجميع ... شو فيكم ؟؟ أسلوبها مافي شي ؟؟؟ من حقها ... وأنا أشوف الناس ووايد تتفلسف وتقهر ... وما ألومها أبدا ..
ردحذفحبيبتي سجود إحنا نحبكم ونتابع ليكم وعن نفسي أنا احب ترجمة الأخ محمد وحتى لو ناس تانيين ترجمو لساعي افضل ترجمتو حتى لو اتأخر
ردحذفلكن كلامك الي كتبتي يحتسب عليك مو ليك
يعني معقولة تقولي احنا فريق بعدين تقولي أنا ما احب الدراما فمارح اترجمها؟؟
ويفضل انكم كوولكم تشتغلوا على دراما وحدة بدل ماكل واحد ماسك شي عشان اذا صار في ظرف لواحد فيكم التاني يمسك مكانو
ويب صادقة انتو ليكم حياة ثانية واحنا كمان يعني أنا ماقد استعجلت في طلب الحلقات الا قبل امس سالت عن سجينة الحب بعد انتظار 4 شهور لأني شفتكم تبغوا تترجموا دراما تانية
.
.
وانا مع اقتراح انكم تقفلوا الشات عشان لاتوصلي لمرحلة الضغط وتكتبي كلام زي كدا أنا ما أقول انو غلط كلامك لكن . . .
محبتم ندى
إلي ضحكني بالموضوع إلي حاطين موقع darksmurfsub
ردحذفههههههههههه
جميع فرق الترجمه تقول إن هذا اسوء ترجمه
وانتم فرحانين فيه لان يترجمم بسرعه هع هع هع
لاء ويمدحونه بعد ^^
الله يكون بعونكم
اهلين سجود
ردحذفتفاجات صراحه بالموضوع
بس حابه اقولك
اتركي الترجمخ احسن لك
الناس مايرضيها الا التراب الصراحه
وتذكري انك قاعده تترجمين وهم يطالعون
واحسن تتعزلين ترجمه
حتى لو اعتزلتي ماراح يخلونك بحالك
الله يعينكم
وانا حاسه بتعبك ومجربته
انا ترجمت وبعدها اعتزلت
ترجمه كانت مو حلوه
تعرفين ليه
لاني لو تاخرت بظروفي او بشي اهانوننني صرت اترجم قوقل نسخ ولصق
عشان يكرهو ترجمتي
والله لك حق تزعلي بس موكلن مانقدر جهودك والله اني مررررره احب مدونتكم ومره ماشاء الله تنزل كل الحلقات بسرعه وانشط مدونه عندي والله اني مقدره جهودك ان شاء الله .......انا شاهدت اكتر من 78مسلسل كوري ان شاء الله اساعدكم بعد ما اخلص اعمالي ^^.
ردحذفوالله اني اقدر جهودكم وتضيعت وقتكم عشان خاطرا وتسلمي كل زوق يا عمري O_o
با التوفيق فايتنج
ازا احتجتي اشياء بسيطه اساعدك ان شاء الله ازا ما عندك مانع 0_O
ردحذفياشيخة لا تتضايقين ولا يهمك طبع الانسان مو صبور
ردحذفوبعدين على فكرة بقول شي عشان يريحك خلاص سيبي ترجمة الجاسوسة وخليكي على عطر امراءة لانو في مدونة خلاص مخلصين الحاسوسة
بسم الله .. را أجاوب على أكبر قدر من التعليقات ..
ردحذفالحلوين اللي يقولون اقفلوا الشات و الغو التعليقات ..
الشات والله الود ودي تنقفل ..
اما التعليقات ما صارت مدونة ..!!
صار كأن الواحد يكلم نفسه !
كيف راح نعرف اذا الملفات متوافقة مع الفيديو
اذا ما في روابط عطلانة ..
يعني يتهيألي هذا شي ما يدخل المُخ .. صح ولا لأ ؟؟
اللي يقولوا كيف نكون فريق و أنا اقول ان شي ما أحبه ما أترجمه ..
أحب أقولكم إني ما أحب أترجم أي كلام
يا بترجم الحلقة صح .. يا ما أترجم أصلاً
هل تتوقعوا اني لما أترجم شي مفروض عليّ
أو أنا مو منسجمة مع أحداثة == > الناس أذواق طبعا
راح تكون ترجمتي له مثل ترجمة دراما أنا حبيتها هي وممثليها و مستمتعة فيها ؟؟
بخصوص اللي حسسوني اني سابتكم ولا مدي وش قايلة
انا أسلوبي كان حاد وعارفة هذا الشي
و أنا نفسي متدايقة ..
أنا وحدة أعصابي فريزر .. تعرفون ايش يعني فريزر
واقهر اللي قدامي بالبرود اللي عندي
لكن ضغط الشغل .. و الأشياء اللي الواحد يقرآها هنا
بالله عليكم تتوقعوا اني راح أظل على طبيعتي ؟؟
الأخ مدري الأخت اللي قال احذفوا الكومنت ( التعليق )
لا ما راح نحذف شي ,, جتنا تعليقات أفظع من هذي
و كلام كان موجه لي شخصياً .,, أيام دراما ماني
اللي كان متابع يتهيألي يعرف الشتايم و الكلام اللي انكتب في الشات وفي التعليقات ..
وعشان كنا برمضان قلت يا بنت أسكتي ولا تردي
لكن للصبر حدود دائماً .. والإنسان بيوصل مرحلة الإنفجار
بعدين المفلسفجي مدري المفلسفجية اللي حاطلتي ولا حاطلي رابط الحلقات الانجليزية .. انت ملاحظ ان الحلقة 16 لسة مو جاهزة عندهم ؟؟
انا الحلقة 13 ترجمتها الخميس وما كانت الحلقة 14 نازلة ,, فرجاءً مرة ثانية لما تيجي تقول شي تأكد منه عالأقل ..
وبما إن كلامك كان موجه الي شخصيا فراح أوجه كلامي لك شخصياً
لما تشوف حلقة من ترجمة SooJooD
لا تشوفيها أوكيه .. ؟؟
لأني انا وحدة ما أعرف أترجم و بطيئة ..
والناس تشبع من الحلقات قبل لا انا أنزلها OK
** ملاحظة : لو ترجع / ترجعي تقرأي الكومينت حقك راح تلاحظي انو مكتوب بصيغة الجماعة و كأن الكلام موجه للفريق لكن بما انك قلت / قلتي انه لي أنا
فجاوبتك بإسمي أنا مو بإسم وندرلاند
وطبعاً أشكر كل اللي شعونا .. :)
BayoOona ,, و الله رهيب هاد الموقع !
جربت أول حلقة و زبطتت اذا ال 15 الثانيات مشى وضعهم .. انشالله بترجم الدراما ..
والأخت المصممة تصاميمك كتيييييييييييير حلوة و حبيتها ^_^
راح أكلم المسؤولة عن المدونة عشان تحطها :)
خصوصا التصميم الأول عجبني كتير *_^
في النهاية انشالله أكون جاوبت على أكثر الناس لأن 38 تعليق وكل واحد أطول من الثاني فممكن أكون ضييعت
وترى ما راح نحذف أي تعليق .. الا اللي يكون فيه ألفاظ بذيئة بس ..
أنــــــــــــا دايم اقول لكم ..
ردحذفشكرا شكرا من الاعماق ..
ولا يزعجوزكم اصحاب العقول التافه اللي ما يهمهم إلا انفسهم ..
يحسبون الناس فاضيه مثلهم :(
مدونه رائعه وفريق اروع ..
مني لكم خمسه نجوم *****
وووووو إلى الأمااااااام ..~
فياااااتينق ..
السلام عليكم..
ردحذفاولاً احب احكي انه الكلام موجه لفئة معينة.. مش لكل المتابعين.. واللي زعلوا وحسوا الكلام لهم اكيد انتم من الناس اللي تحن..
يعن الاخت سجوووود ما غلطت صح اسلوبها كان حاد لانهم فعلاً يستاااهلون يعاملون ا لمترجمين كانهم شغالين عندهم
ناس مصروعة بالدراما مش معجبة
وفي كل المدونات في ناس تستعجل وناس تسب وناس ما يعجبها العجب
بعد حلقة تبي 10 حلقات والمسلسل لسة طازة
حتى الفريق اللي اعتزل شلوا أمله ما خلوه في حاله
وترجمة فريق دارك سمرف آلية ومعروفة بالسوء ما تتقارن أبداً بترجمة فريق محترف مثل withs2
وفوق هذا تتعب المترجمين بزيادة لانهم بحاجة للتحليل قبل الترجمة..
الشاطرة الواثقة اللي حطت الرابط لاحظي بس انه 100% فقط للمرحلة الأولى في مراحل ثانية بعدها وشوفي نسبتها بعينك..
جد عجب لحال العرب
بس لو تتذكروا انه هالأعمال
مجـــــــــــــــــــــــــــــــانيـــــــة
والمتابعة مش إجبارية
اللي حاب يتابع الأعمال أهلاً وسهلاً
اللي مضايق لهدرجة وما عنده صبر يتابع الفرق الأسرع اللي شغلها صح
ما يتعب نفسه ويتعب غيره بالكلام الفاضي..
اخت سجود
ولا يهمك.. احنا نعرف انه الترجمة هواية وتتسلي فيها باوقات فراغك
اذا كنت بتمارسين الترجمة على حساب حياتك بطلت هواية،، فرجاء لا تسمعي لهم.. وطنشي وبس..
الأفضل لكم إنكم تحذفوا الشات ها أفضل حل
ردحذفالإخت اللي فوق اللي فوقي والله انك بردتي قلبي :)
ردحذفأنا اترجم للتسلية ولتقوية لغتي الإنجليزية عشان ما أنسى اللى درسته بالجامعة ..
بس عاد الله يسامحهم الواحد بطل عارف شو يحكي ..
و يا ريت اللي عنده قدرة يترجم يخبرني هنا ,,
و يعطيني ايميله ..
و الأهم تكون لغته الإنجليزية حلوة
ما أقول اننا ما نستعين بالمترجمات لكن هذا الشي يكون في كلمات و جمل صعبة ..
بس صياغة الجملة في النهاية تكون من المترجم
لأنو لو المترجمين يترجموا ترجمة جوجل يا سلاااااااااام ,, بقص ايدي اذا فهمتو شي
لو في أحد يحضر الحديقة السرية في قناة كوريا كل احد واثنين الساعة تسعة ,, والله ان ترجمتهم ترجمة جوجل
انا أشوف المسلسل والله احس الكلام من كل بحرٍ قطرة
هذا وهي محطة فضائية ,, مو مدونة الناس تشتغل فيها كهواية فقط لا غير ^_*
مشكوووووووووووووووووووووووورين جدا انا أحب ترجمتكم واحبكم ووالله نفسي أساعدكم بس تعرفو المدرسة وانا أصلا معرف أسوي شئ بدي الأشياء والله جدا أشكركم من أعماق قلبي ^^
ردحذفسجود
ردحذفما عليه ما طلع الكلام الا لانه خلاص وصلت على النهاية وطفرت من هالناس الله يسامحمهم .. ومعاج حق مرة في احدى المدونات توهم المترجمات نزلوا ترجمة الحلقة الا اشوف في الشات بوكس متى ترجمة الحلقة الي بعدها واصلا الحلقة بعدها ما انعرضت في كوريا ..
انا ما اعرف هذولا كيف يفكرون شكلهم مبرمجمين ههههههههه بس يحطون نفس الكلام
تعرفين بعطيج خطة يستخدمونها في المنتديات الانجليزية خخخخخ (الحين بيقومون علي)
عندهم اذا احد سال عن الترجمة يتاخر وضع الترجمة وحتى اذا هي مخلصة 3 ايام .. اذا احد ثاني سال تتاخر 3 ايام اخرى .. طبعا هالشيء خلاهم يفتكون من متى تنزل الترجمة ؟
وبعد لو قدرتي .. حددي .. الخميس فقط ستنزل ترجمة هالدراما ... الاربعاء ترجمة الدراما الفلانية
بهذه الطريقة ستتخلصين من السؤال الابدي متى تنزل الترجمة ..
لكم كل التوفيق ... وما عليه نعذرك على الاسلوب لانه طفح الكيل بسببهم .. فرغم كل شيء فالانسان لديه مشاغل
Miaka Sam , أنا سويتها أيام دراما ماني ,,
ردحذفبس بعدين رحمتهم نزلت الحلقات كلها ..
ومن حظهم بعد إني كنت راح اسافر فخفت ما أقدر أحط الروابط و ياكلوني ههههههههههههههه
و سالفة ان الحلقات تنزل يبوم محدد عجبتني والله :)
بكلم الشلة و أشوف ايش بقولون ^_^
اختي سجووووود
ردحذفارجوووكم لاتكترثون لاي شخص في الشات
ولاتنزلون الحلقات بسرعة ,, يعني مثلا حلقة كل اسبوعين xD
لان عندي فروض هذه السنة < مصلحة
هاهاها
والله يعطيكم العافية
انا متابع دوري لكل الدارامات الي تترجموووها
ولاتهتموا لبقية الاعضاء الغيرانين وانا واثق انهم من مدونات اخري يبوكم الشر لاتهتموا
ونصصحبة اغلقوا الشاااااات xD
love uuuuuuuu sojooooooooud
السلام للكل
ردحذفاولا احـــــب اشكـــــــــــــــر فريق وندرلاند
بالنسبة ليه اهم شي اتفرج على اي شي كوري حتى لو كان مو مترجم
والاخت سجود معاكي حـــــــــــــق في كل كلمة قلتيها
لانو انا كل ماشوف التعليقات البايخة انتو كـــــيف متحملينهم المصيبة مو منهم من الجهل الي فيهم كل هماهم انهم يتفرجوا وبس واصلا ما يعريفـــوا انوا الحلقة لسه مانزلت في كوريا!!!
وانا بس- ماشاء الله - اتعجب انتوا كيف تترجموا الحلقة وتنزلوها في اليوم التاني اللي انعرض فيها الحلقة و ما اقدر اقول غير بـــرافـــــــــــووووووووووووو منجد
انا اقولك انتو بس طنشوا النفسيات وما عليكم منهم حنا نحب ترجمتكم سواء تاخرت ولا لا وبعدين انتو اسرع فريق شفته وبدون مبالغه
ردحذفالمهم في ناس مره يدعموكم ويحبونكم
فايتنغ يا احلى فريق
ههههههه!! صح هو الترجمه مو بالعصب يعني متى مافضيتي ترجمي ^^
ردحذفلكن والله فريقكم يطفش اذكر تابعت لكم دراما وحده و بغيت اموت اخر شيء كملتها في يوتيوب ^^
بس لسى فيه ناس تتابعكم علشان كذا شدو حيلكم و فايتينق ^^
آمبيييييه يعني الفريق يترجم لكم بدون مقاابل وانتو تعليقاتكم نفس ويهكم ( اقصـد القليلين الأدب طبعآ ) آنا لو من الاخت سجوود اقووول كلام اقوى منهـا !!أحس الكلام الي قالته قليل بحق هالفئـه !!! ... خلاص مو عاجبتكم المدونـه ليش تتابعونها من الأســاس !!! الله يعينج اختي سجود على هالنفسيات وعلى هالمشاهدين !! ... والله تنرفزت بمجرد اني قريت بعض التعليقات السخيفه الي ما تدل الا على أخـلاق صاحبـها :/ ... ما عليكم منهم .. وكملو مشوااركـم واحنا راح نكون من متابعينكم المخلصين .. فااايتنغ سجوووووود الحلوه :*
ردحذفالسلام عليكم ,,
ردحذفماالومك صراحة يعني ,,
عندي حل وهو انكم تشيلون الشات و التعليقات تكون مراقبه ,,يعني مثلا انا اذا كتبت رد ماراح يطلع إلا اذا احد من اعضاء المدونه دخل وشاف الرد اذا هو يستاهل ينعرض ولا لا ,,
اتمنى فهمتي علي ,,
انا مااعرف كيف تسوينه بس شفت هالحركة اكثر من مدونه
وشكرا
آيقووو 89...
ردحذفالسسسلآم عليكم عندي تعقيب
اول حاجه انا مو من متابيعين الامير الضفدع بسس
ايش هذا تقولين يترجمه عشآن يتسسلى طيب يترجمه لنفسسه
اجل ليه يترجمه ويعرضه هنآ بعدين تقولين يتسسلى فيه
ليه مافيه احتترام للمتآبعين اللي حبوآ العمل
المفروض يترجم ويتحمممل هالشي لان هو اللي طرح العمل
كان اكتفى بالترجمه لنفسسه وبلآش يعرضهآ اذ ماله نيه يكملهآ !!!!
ودراممآ المحآرب كيف كذآ ماحبيت الاحداث والمسلسل
خلآص بنوقفهآ !!
وش هالاسلوب ليه ماتفكرون فيه نآس فرحوآ لما عرفوآ
انو فيه فريق راح يترجم المسلسل ؟ اقلهآ احترموآ المتعابعين
اقلهآ عطووونآ خبر اعلنوآ من وقت انكم راح توقفون ترجمه يمكن يأخذه فريق ثاني
سؤال ليه فاتحين المدونه اذا كل مسلسل مليتوآ منه بتوقفون ترجمته !!!
اوكيه قلنآ عليكم ضضغط وراكم اشغالكم بسسس مو كذا
عندي تقولين راح نأاجل الترجممه علنآ احسسن من انكم تمآطلون فينآ بعدين تقولين راح يوقف الترجمه اذا لانآ ماحبيينآ المسلسل !!
آيقوو 89
ردحذفوانا عارفه الترجمه مو غصصصصب وانهآ هوايه فقط
بسسسسس ليش تطرحون العمل هنآ وانتو مترددين تكملونه او توقفونه ..
واذا الردووود لهالدرجه تضآيقكم الغوآ الشات
وريحوآ انفسسسكم :)
ومن ناحية الضغط واضضضح انكم مضغوطين
لان اول ماكنتوآ تتاخرون ابد وترجمتكم لايعلآ عليهآ
بسسس ياليت تلغون الشآت في حال انكم بتوقفون ترجمه
او تتأخروآ حطوآ اعلآآآآن وبسس
السلام عليكم
ردحذفكيفك اخت سجود ان شاء الله الحين ارتاحت اعصابك
بدي بالأول الله يخليكي علميني كيف استخدمتي الموقع اللي حطته BayoOona الله يوفقك..
انا البنت اللي بردت قلبك بردي فووووق خخخخخ
بالنسبة للتعليقات
والله يا اخواني واخواتي المحترمين والكرام ما اعرف كيف طريقة التفكير هااااي..
الشاطر اللي يقول (احذفوا التعليق)
بالله عليكم كيف احنا نتواصل معاااهم.. الشات له اهمية كبيرة في المدونات اكثر من ضرره مثلا احنا كمشاهدين نتكلم مع بعض ونساعد بعض اذا ما كان حد من مشرفين المدونة موجود ليش لأ
وحذفه صدقوني مش في صالح الفريق لانه يعتبر ضعف واستسلام لرغبات ذوي النفوس الضعيفة..
فانا ضد وضد وضد وضد وضد حذف التعليقات او حذف الشات..!!
بالنسبة لمسلسل الأمير الصرصور ههههههه عجبتني يا سجوووودتي..!!
على ماأذكر بانه المترجم كان حاط جدول في دراما تحت خانة (عمل جانبي) وبيدرج حلقات بعد انتهاء ترجمة النصف..!!
فعلشان هيك هو اعطى الأولوية لمشاريعه الرئيسية منطق يعني يترك مشروع رئيسي علشان مشروع جانبي ويترك المشاهدين الأغلبية علشان كم مشاهد..!!
ما اتوقع المسلسل اصلاً مطلوب لهدرجة،، حتى انه كثير من محبي التايواني شافوه على فيكي..!! وحفظوه وشبعوا منه..
نقطة ثانية..
انتوا كيف تلحقوا تشوفوا هالكم من المسلسلات والله يا حظكم عندكم كل وقت هالفراغ..
النت متروس ترس دراما اللي ما عنده صبر لا يشوف دراما تترجم يشوف دراما مكتملة ويا كثرها..
وملحقين على الدراما (قيد الترجمة) في وقت لاحق
بالله عليكم الحلول سهلة وبايدكم ما في داعي تزعلوا من بعض وتطفشوا المترجم علشان دراما
وللأخوة اللي يقولوا (كأنا نشجد الترجمة شحدة)
لا يا احبائي لا
المترجم لو انه يبي يشحدكم كان استخدم اساليب ثانية
يعني المدونة مجانية ومتاحة بدون تسجيل
والتحميل للجميع بدون استثناء او شروط.
كيف تشحدكم..؟؟
المترجم سعادته لما يشوف سعادتكم والله يروح كل تعبه مع الترجمة.. لما يشوفكم فرحانين..
اخت سجود
اقتراحات الأخت Miaka Sam جدا رائعة وكثير مدونات مطبقتها.. وأنا بأيدها بشدة
لو عملتي نظـــــــــام رح ترتاحي كثير..
اقضي على المسببات واحد واحد.. وريحي راسك..
أولاً: حاولي دائماً حدثي جدول الترجمة..
ثانيا: حطي موعد محدد لنزول الترجمة. اعطي نفسك اسبوع او خمس ايام للترجمة..
ثالثاً: في حال شفتي الوضع يستاهل عقوبة كل شخص يسأل تتأخر الترجمة يوم مو 3 ارحم.
رابعاً: لازم تكوني صارمة وجدية يعني مو تقولي رحمتهم ونزلت الحلقات كدا ما ينفع..
خامساً: الإعلان اذا كان في تأخير او ظروف تمنعك من تنزيل الترجمة.. او تنزيلها قبل موعدها
كلمة أخيرة..
الالتزام اهم شيء.. علشان المشاهدين ما يزعلوا منك.. وينتظروك على الموعد..
صدقيني بالنظـــــام والالتـــــزام
رح يقلب الوضع 180 درجة للأفضل ان شاء الله..
وتريحي نفسك وتريحينا (الاشخاص اللي مثلي ينزعجوا معاكم بسبب التعليقات والطلبات).. وترضي المشاهدين..!!
الغير معروف بيظل دايما غير معروف
ردحذفحبيبتي بتختاري ملف الترجمة و بتحطي المدة اللي بدك يعمل تقديم للترجمة فيها .. :)
ردحذفبعدين بخصوص الأمير الضفدع والله هذي أول مرة حد يسأل عنه صار لي كام منضمة للفريق ماحد جاب سيرته !!
وبخصوص الترتيبات التانية .. يظهر ان الأخ محمد مريض
لأنو بس يتعب بيختفي فترة ..
انشالله بس يرجع راح اتفاهم معاه على كل اشي :)
شكرا يا عسولة يا ريت لو الكل بيتفهم متلك ^_^
بصراحه انتم من اجمل فرق الترجمه
ردحذفو الدليل قائمة الاعمال مشاء الله
الله يوفقكم
لكن عندي اقتراح او ملاحظه اذا ممكن
انا عارفه ان الترجمه صعبه
و الاصعب ردود الافعال
انتم اختياركم للدراما رائع
لكن تصدف دائماً ان فيه فريق ثاني يترجمها
ما اعرف اتمنى سوا تتعاونون ع العمل
او بشكل فردي
و هذا للاسف ياخذ من وقتكم و جهدكم
ممكن لان الجميع يحرص على ترجمت دراما 2011
لكن فيه مسلسلات قديمه رائعه و نادر و جودها
يعني لو وقفتوا ترجمت هذا المسلسل الجديد
لانه فيه فريق يترجمه و هذا الفريق سريع
و يركز على عمل واحد يعني راح يخلصوه بسرعه
لو تعاونتوا معه و عرضتوا هذا العمل بمدونتكم
باسم الفريق
يكون افضل لان متابعين مدونتكم كثاااار
اعذريني على المداخله ممكن اضايقك لكن و الله عشانكم
صح انتم الاسرع لكن حرام اهدار للوقت
و ياريت لو تترجموا شي قديم
و شكراً
ملاحظه : شوفي ثلاثة ارباع الكوب الملايان
الي هو حنا معجبينكم
و لاتفرحي عذالك عليك
إلى الامام
اخت سجود ما عرفت استخدم الموقع
ردحذفحطيت رقم 3 على الخانة اليسرى
وحطيت على اليمنى وقت بداية السطر الأول ونهايته
وحفظ الملف مثل ما هو
انا بدي أخره 3 ثواني
وبمناسبة الغير معروف بيبقى غير معروف
انا اسمي سيما..
ولي مشاركات عديدة باسمي..
O_O
ردحذفخطييييييييييييييييييييره
يا قلبي عليك بطيتي الي بقلبك اخير ^^
الله يعينكم ان شالله ويعطيكم الف الف الف عااااافيه
وراح اضل من متابعينكم ان شالله
واحنا مقدرين مجهودكم وتعبكم
وتحياتي لكل الفريق ^_*
فاااايتينغ
كلامك قاسي ..
ردحذفونعرف انك تعبانه بس الواحد يا اختي يحدد بالبدايه
اذا كان يبي يترجم .. عشان ما نتابع ..
وموفقه يقلبوو
ويعطيك العافيه ماقصرتي
كلامك اختي عين المنطق وانا كمترجم او اي مترجم غيري
ردحذفمايداني شي اسمه متى تنزل الترجمة ..؟ ليه تاخرتوا..؟
يعني الواحد يحرق الدراما على نفسه ومايستمتع بالاحداث مثل الي يشوفها
واصلا العجلة في الترجمة تاثر على احترافيتها وخروجها بافضل صورة
والي يقول تترجمون وبعدين مايعجبكم توقفون الترجمة
اي كيفهم ومن حقهم يوقفون ترجمة شي ماعجبهم
اذا فيك خير رونا شطارتك وتعال ترجم تعال جرب الترجمة وراح تكتشف كيف هي مملة وتضيق الصدر
تعال ترجم وشوف كيف بيكون شعورك لما يجون المتابعين يصجونك بالترجمة
الحين ماتستحون على وجيهكم واحد قاعد يقدم لكم شي
من دون مقابل بدال ماتجي تشكره وتشجعه
تروح تحطم وتنتقد ولابعد انتقاد هدام
بدل ماتجيه باسلوب راقي وتعطيه ملاحظاتك بادب
تجي بكل وقاحة وتقول هذا الكلام
والحين الي مسوي يحطم ويهزئ تعال إذا كتب تعليق
الله لايعينك بس تكتب اسمك علشان نعرف منو حضرتك
مو كل تعليق نشوف غير معروف يقول....
بدل ماتسألون عن صحة محمد ماتوفون الرجال كل فترة يغيب الرجال تعبان قلبه تروحون تقولون مثل هذا الكلام اخس عليكم بس
اختي سجود واصلي ابداعك ولايهمك أحد
ايها الفريق المبدع انشاء الله لو تقعدون في الدراما
الف سنة راح نستناكم
كلمة اخيرة للي يقول انتو تترجمون درامات في فريق غيركم يترجمها اقوله انتشر في الآونة الاخيرة اعتزال فرق ومترجمين واختفاء اعمالهم هذه نقطة النقطة الثانية كل ما كثرت الترجمة زاد التنافس في سرعة اصدارها وانت كمتابع تختار الافضل
في النهاية فاييتنق
اختى سجود ولا يهمك من الكلام انا من زمان متابعة ترجمات فرقكم عندكم سرعة ودقة واللى يقول غير كده يكون كداب
ردحذفبس انتى كمان ممكن تعذرى فئة معينة اللى مثلا فى مسلسلات اتاخرت فترة كبيرة سألت بادب الحلقة تنزل امتى زى مثلا مسلسل سجينة الحب ليه 3 اسابيع مستنين الحلقة الاخيرة
وعن انك تسيبى الترجمة بسبب كلام ناس ملهوش لازمة لا
ميهمكيش من كلامهم احنا مقدرين اشغالكم لأننا احناكمان عندنا اشغال
والله يوفقكم
فايتينغ
امممم والله من جدها احمدو ربكم انها تترجملكم هههههههههههههههه
ردحذف